Fysiske aktivitetar

Stryn Sommerski

Stryn Sommerskisenter er det mest kjende sommarskisenteret i Nord-Europa, med flotte forhold gjennom heile sommarsesongen. Vanleg sesong er frå april til august. Sommarskisenteret ligg ein times køyring frå hotellet.

Stryn Aktivitetspark

Fotball, sand-volleyball, BMX, skate-park m.m

Golf

Stryn golfklubb, 6 hols øvingsbane, på Sætre i Stryn.

Sunnfjord golfklubb, 9 hols bane, i flotte omgjevnader på Vassenden.

Fjordhest

Fjordhesten er den vestnorske hesterasen og Noregs nasjonaldyr, kjend for sitt rolege lynne og for å vere ein god arbeids- og brukshest. Han er nøysam, uthaldande og vert i våre dagar mykje nytta til fritidsbruk. Norsk Fjordhestgard på Breim ligg 30min frå hotellet, og har alt frå turar på sjølve senteret, til turar høgt til fjells. Stall Rygg på Sandane tilbyr riding og køyring for heile familien. Dei legg opp turar etter ønskje og ferdigheter.

Rafting

Midt i Sogn og Fjordane finn du nokre av Nord-Europa sine flottaste raftingelvar. Her byr ein på det aller meste av moro, spaning og underhaldning til både nybegynnar, erfaren og adrenalinfrelst. Jølster er 50mn køyring frå hotellet. http://www.jolster-rafting.no

Skåla

Fjellet Skåla 1848 moh er rekna som Norges lengste motbakke. På toppen ligg verdas mest spesielle turisthytte, Skålatårnet, og Skålabu (bygd i 2016), der ein kan overnatte. Motbakkeløpet Skåla Opp vert arrangert kvart år i august. Mange av dei som overnattar på hotellet, tek ein dagstur til Skåla.

Via Ferrata Loen

Guida klatretur til fjellet Hoven 1010 moh. Den lengste Via Ferrata brua i Europa (120 meter) må forserast på vegen opp.

Surfing på Stad

På Stadlandet er det ideelle forhold for surfing med bølgjer frå storhavet og kvite sandstrender. I Hoddevik og Ervik ligg ein av dei beste og vakraste surfeplassane i Norge.

Sykling

Du kan sykle på gamle kjerrevegar med lite trafikk, på vegar som svingar seg opp gjennom dalane eller langs fjorden i raud kveldssol. For dei som treng større utfordringar, er det bratte og utfordrande sykkelstiar å finne.

Fiske

Gratis fiske i sjøen, eller fiskekort i elvar og vatn.

Vandring/fjellturar

Mange alternativ for fjellturar i ulik vanskegrad og lengd. Du kan vandre korte og lette turar til støylane, eller lengre og krevande dagsturar i bratte fjell. Mange stader er det merka turløyper.

Vinterskisenter

Breimsbygda Skisenter ligg berre 20 minutt køyring frå hotellet. Her er 2 skiheisar med slalåmbakkar og oppkøyrde langrennstrasear.

Stryn Vinterski

Totalt kan Stryn Vinterski tilby 12 km preparerte nedfartar, og park med enkle rails og hopp deler av sesongen. I det barnevenlege området lengst nede finn ein både knøttetrekk og juniortrekk.